Prej 9 muajsh në çadër, PD-ja denoncon një tjetër rast të pastrehësh nga tërmeti

Partia Demokratike denoncoi sërish një rast të një familjeje e cila ka mbetur e pastrehë për shkak të tërmetit të 26 nëntorit të vitit të shkuar.

Kryetari i Forumit Rinor të Partisë Demokratike Belind Këlliçi ishte në Kurbin pranë familjes të Etleva Veseli, nënë e gjashtë fëmijëve, ku e gjithë familja prej 9 muaj jeton në çadër.

Duke treguar vështirësitë e përditshme dhe shtëpinë të shkatërruar prej 11 muajsh ajo kërkon një shtëpi ku të qëndrojë së bashku me fëmijët e saj.

“Nuk na ka dhënë askush asnjë lloj shprese. Vetëm na ka dal shtëpia DS3 e pabanueshme. Shtetit unë i kërkoj që të fusë kokën me gjithë kalamaj”, tha ajo.

Zona e Kurbinit është një ndër më të dëmtuarat nga lëkundjet sizmike të fundvitit të shkuar.