Lajçak dhe Varhelyi diskutuan për dialogun ndërmjet Beogradit dhe Prishtinës 

I dërguari i posaçëm i Bashkimit Evropian për dialogun ndërmjet Beogradit dhe Prishtinës, Miroslav Lajçak, ka folur sot me Komisionerin Evropian për Politikë të Fqinjësisë dhe Zgjerim, Oliver Varhelyi, për dialogun në një kontekst më të gjerë rajonal.

Në një postim në llogarinë e tij në Twitter, Varhelyi ka thënë se dialogu i mëtejshëm ndërmjet Beogradit dhe Prishtinës është vendimtar për përparimin në rrugën evropiane.

Lajçak njoftoi se kishte një bisedë të dobishme me Varheljin për kontekstin më të gjerë rajonal, si dhe për përpjekjet e BE-së për vitin 2023.

“Jam i lumtur që u takova me komisionerin Oliver Varheji sot. Ishte e dobishme të diskutohet Dialogu në kontekstin më të gjerë rajonal dhe përpjekjet evropiane për vitin 2023,” shkroi Lajçak në Twitter.