Sipërmarrësi në Itali: Pas 18 vitesh, nëna ime më kërkon që të kthehem në Shqipëri

Sipërmarrësi shqiptar, Anduel Guri thotë se edhe pas 18 vitesh qëndrimi në Itali, e ëma i kërkon që të kthehet në Shqipëri.

Në emisionin “RinTalk” në Euronews Albania, Guri u shpreh se prindërit ishin skeptikë që kur ai  filloi studimet në shtetin fqinj, por filluan të ndryshonin mendim kur e vizituan.

“Vazhdojnë absolutisht, është mamaja. Që nga ardhja këtu në Itali, prindërit ishin goxha skeptikë për këtë gjë, duke parë se ime motër dy vjet më e madhe studoi në Shqipëri, donin që të vazhdoja atë gjë. Ishin kundër kësaj gjëje, por gjithmonë  me atë dëshirën e një prindi, që jep maksimumin dhe bëj më të mirën çfarëdo që të zgjedhësh.

Kjo gjë vazhdoi për vitet e para të universitetit, por më pas kur prindërit erdhën të më vizitonin, filluan të ndryshonin disi qëndrim. Ime më, aktualisht, edhe pas 18 vitesh, në momentin e përqafimit të fundit, është me një lot  në sy dhe thotë, ah sikur të të kisha afër”, theksoi ai.