‘Erdogan me kokë poshtë’, manekini shton tensionet mes Turqisë dhe Suedisë

Turqia akuzon Suedinë se ka thyer premtimet e saj, pasi një manekin i cili i ngjasonte presidentit Erdogan u var me kokë poshtë jashtë Bashkisë së Stokholmit.

“Ky është sabotim kundër kërkesës suedeze dhe finlandeze për t’u bërë anëtarë  të NATO-s. Duan që të parandalohet anëtarësimi. Unë e kuptoj indinjatën e Turqisë. Ne do të kishim shfaqur të njëjtin zemërim nëse do të kishte ndodhur në një vend tjetër kundër një politikani suedez”, u shpreh Ulf Kristersson, kryeministër i Suedisë.

Aksioni dyshohet se u krye nga Komitetet e Rojava, “një rrjet për solidaritet dhe shkëmbim me lëvizjen revolucionare në të gjithë Kurdistanin”.

Zëdhënësi i presidentit Erdogan, shkroi në Twitter se “kjo është dëshmi se autoritetet suedeze nuk kanë ndërmarrë hapat e nevojshëm kundër terrorizmit, siç pretendojnë”.

Ai gjithashtu shkroi se Suedia duhet të mbajë premtimet e saj për t’u anëtarësuar në NATO. Ambasadori i Suedisë në Ankara u thirr për bisedime, por ajo cka u diskutua mbeti e paqartë.

LEXONI GJITHASHTU

• Stoltenberg: Suedia meritonte miratimin e Turqisë për anëtarësimin në NATO
• Turqia: Suedia ende duhet të plotësojë kritere për t’u anëtarësuar në NATO
• Turqia kritika Suedisë pasi refuzoi të ekstradojë një gazetar