Meta: Rritja e çmimeve mund të shkaktojë trazira sociale

Kryetari i Partisë së Lirisë, Ilir Meta mbajti këtë të hënë një konferencë për media ku në fokus të mesazheve që përcolli kishte inflacionin dhe rritjen e çmimeve.

Meta tha se nevojiten më shumë mbështetje sociale nga ana e qeverisë për më të varfërit, pasi në një nivel të dytë kriza e çmimeve dhe inflacioni mund të shkaktojnë efekte më të mëdha si trazira sociale.

“Rritja e kostos së jetesës ka filluar të ndikojë negativisht në besimin dhe kërkesën e brendshme, me inflacionin që ka arritur nivelet më të larta të dy dekadave në muajt e fundit dhe njëkohësisht i nxitur sidomos nga çmimet e ushqimeve dhe energjisë. Ccmimet e ushqimeve janë më të larta në të gjithë rajonin dhe të përafërta me ccmimet në Bashkimin Europian.

Rritjet e mëtejshme të çmimeve të ushqimeve dhe energjisë janë një rrezik kyç, veçanërisht nëse ato shkaktojnë efekte më të mëdha të një niveli të dytë si dhe trazira sociale. Inflacioni më i lartë dhe më i vazhdueshëm mund të ndikojë më tej mbi të ardhurat reale dhe të dobësojë perspektivat e rritjes.tregon qartë që lëmosha e fundit e paraqitur si një pako mashtruese nuk është asgjë tjetër por një përpjekje për t’i hedhur hi syve shtresave të gjëra të goditura nga politika e Rilindjes. Ndërkohë që është e qartë që shumica e 500 milionë eurove të mbledhura nga rritja e ccmimeve shkojnë për klientët e qeverisë”, tha Meta.

LEXONI GJITHASHTU:

• Inflacioni, Meta thirrje qeverisë: Duhen politika më efektive për më të varfërit
• Berisha: Vit vendimtar për demokracinë, grupi parlamentar i përkushtuar
• “Gjaku nuk bëhet ujë”, Meta përkujton 24-vjetorin e masakrës së Reçakut