Spektakli Gjermani- Zvicër, Ukraina surprizon Spanjën, skuadra e Shevchenkos triumfoi 1-0

Gjermania dhe Zvicra dhuruan një sfidë spektakolare që u mbyll në barazimin 3-3.

Zviceranët kaluan tre herë në avantazh por nuk mundën të ruanin epërsinë në asnjë rast pasi gjermanët u kundërpërgjigjën menjëherë.

Në fakt ishte një ndeshje jo fort  e mirë e katër herë kampionëve të botës që nuk po arrijnë të japin paraqitje konstante sidomos në Ligën e Kombeve.

Skuadra e drejtuar nga Joakim Lew po shfaq probleme të shumta, sidomos në fazën mbrojtëse problem të cilin trajneri gjerman duhet ta rregullojë shpejt për të qenë gati për evropianin që do të luhet verën e ardhshme.

Nga ana tjetër mund të cilësohet një paraqitje mjaft pozitive ajo e Zvicrës që luajti si e barabartë dhe pa presion përballë një superfuqie si Gjermania.

Ndërkohë që në takimin tjetër të këtij grupi ishte Ukraina që suprizoi Spanjën duke e mposhtur në shifrat 1-0.

Grupi i katërt i Nations League kryesohet nga Spanja me shtatë pikë që ndiqet nga gjermania dhe Ukraina në kuotën e gjashtë pikëve. Në vendin e fundit ndodhet Zvicra me dy pikë.