Rimëkëmbja ekonomike në Kinë, kërkesa konsumatore rrit shpresën e Europës në luftën me COVID-19

Kina, një nga superfuqitë e botës dhe vendi që u prek më shumë nga virusi COVID-19 ka përshpejtuar rritjen ekonomike të rrënuar nga situata aktuale e pandemisë.   

Megjithatë, kjo rritje është më e ngadaltë sesa parashikohej, gjë që rrezikon kurbën e kërkesës globale.

“Me rimëkëmbjen e ekonomisë së brendshme dhe rritjen e kërkesës, Kina po rrit gjithashtu edhe kërkesën për import. Reagimi aktual i ekonomisë është i favorshëm jo vetëm për stimulimin e zhvillimit të vetë Kinës, por edhe në nxitjen e rimëkëmbjes së ekonomisë globale”, – thotë Liu Aihua, zëdhënëse e Byrosë Kombëtare të Statistikave.

Pavarësisht rritjes me 4.9 për qind të ekonomisë në Kinë, rikthimi i masave dhe mbylljeve të vendeve në Europë rrezikon të jetë një kthesë negative për shtetin aziatik. Megjithatë kjo rimëkëmbje në Kinë duket të jetë një shpresë globale për ekonominë.