Estonia thërret rezervistët, stërvitje ushtarake për shkak të konfliktit në Ukrainë

Qeveria në Estoni ka organizuar një stërvitje të parakohshme ushtarake duke thirrur 830 rezervistë të Lidhjes Estoneze të Mbrojtjes.

Krerët e forcave të armatosura deklaruan se stërvitja është organizuar për shkak të konfliktit ushtarak në Ukrainë.

“Bazuar në leksionet e luftës në Ukrainë, ne po përdorim njësi të vogla taktike për operacione të përhapura në terren, duke i kushtuar vëmendje përdorimit të sistemeve anti-tank, në mënyrë që të mos jenë vetëm njësitë e posaçme të stërvitura në përdorimin e tyre, por edhe këmbësoria”, thotë majori i ushtrisë estoneze Andres Valli.

Stërvitjet janë mbajtur pasi qeveria e vendit baltik shpalli të enjten gatishmërinë për t’u mbrojtur, duke bërë gati njësitë e posaçme.

Megjithatë, qeveria theksoi se bëhet fjalë vetëm për një stërvitje pasi aktualisht Estonisë nuk i kanoset ndonjë rrezik ushtarak.

LEXONI GJITHASHTU:

• Pas hekurave, kush janë burgosurit rusë që mbahen në Ukrainën perëndimore
• BE-ja kërkon drejtësi efektive për krimet e luftës në Ukrainë