Kryemadhi flet pas daljes nga SPAK: Dorëzova provat e reja për inceneratorët

Deputetja e Partisë së Lirisë Monika Kryemadhi ka reaguar për mediat pas daljes së saj nga Prokuroria e Posaçme këtë të martë.

Në deklaratën e saj, Kryemadhi tha se kishte shkuar në SPAK për inceneratoirin e Tiranës, ku dorëzoi provat e reja në lidhje me këtë çështje, si dhe përsëriti kallëzimin e bërë prej saj më 4 mars 2022.

Gjithashtu Kryemadhi apeloi që të ndërpriten pagesat ndaj inceneratorit të Tiranës.

“Sot isha pranë Prokuroisë së Posaçme për sa i përket çështjen e inceneratorit të Tiranës, për të paraqitur të gjitha provat e reja dhe për të përsëritur kallëzimin që unë kam dorëzuar në 4 mars të vitit 2021.

Gjërat tani po zbardhen çdo ditë dhe më shumë dhe më e pakta është ndalesa e pagasave ndaj inceneratorit të Tiranës”, tha Monika Kryemadhi.