Porto Romano, Balluku: Investim strategjik për rajonin, kemi mbyllur të gjitha fazat

Kryeministri Edi Rama dhe zv. kryeministrja Belinda Balluku zhvilluan sot një vizitë, për ndërtimin e Portit të ri Tregtar në Porto Romano.

Pjesë e takimit ishin kompani dhe institucione financiare, të interesuara, për ndërtimin e tij.

“Porti i Porto Romanos nuk do t’i shërbejë vetëm Shqipërisë, por në momentet që sot flasim, flasim me dy marrëveshje zyrtare të lidhura mes qeverisë shqiptare, Maqedonisë së Veriut dhe asaj të Kosovës, për ngritjen e dy porteve të thata, respektivisht në Strugë dhe në Prishtinë,” – u shpreh ministrja.

Balluku tha se ky është një projekt dhe  investim strategjik për vendin dhe rajonin. Ndërkohë Rama u shpreh se prania kompanive dhe institucioneve në këtë mbledhje tregon “jo vetëm interes, por edhe besim.”.

“Dua po ashtu t’ju siguroj se në provën e fakteve të gjithë ju do të mund ta shikoni në vetë të parë pse unë ato i quaj paragjykime dhe jo perceptime të bazuara në realitetin e përpjekjes sonë për të pasur procese transparente, për të pasur procese me integritet dhe për të pasur procese që në fund shpërblejnë pikërisht ato shtylla që i kanë bërë kompanitë tuaja të jenë kompani me kaq shumë zë, që janë nga njëra anë konkurrenca e lirë dhe nga ana tjetër merita mbi bazën e konkurrencë,” – deklaroi Rama.

Deri më tani të gjitha fazat e studimeve paraprake janë përmbyllur. si analizat ekonomike, përcaktimet inxhinierike, studimet mjedisore, si dhe vlerësimet sociale dhe ato arkeologjike, nisur nga vendndodhja e projektit në zonën e Durrësit

LEXONI GJITHASHTU:

• Banorët në Porto Romano “bashkëjetojnë” me baltën dhe ujërat e zeza
• Projekti i Porto Romanos, Rama: Holandezët po i paguajmë shtrenjtë, por e meritojnë