Tetë të vdekur nga zjarri në një kantier ndërtimi në Krime

2 Shkurt 2023 | 16:03

Të paktën tetë persona humbën jetën në Sevastopol të Krimesë për shkak të zjarrit në disa banesa të përkohshme për punëtorët e ndërtimit.

Ngjarja ka ndodhur gjatë natës dhe sipas autoriteteve lokale ruse, zjarri ishte rezultat i djegies së një pajisjeje elektrike, njoftoi agjencia shtetërore e lajmeve TASS.

Punëtorët po ndërtonin autostradën Tavrida, një rrugë e re që lidh Sevastopolin dhe Simferopolin.

Ministria e Emergjencave konfirmoi se tetë persona humbën jetën dhe dy të tjerë u plagosën.

Sevastopol është shtëpia e Marinës Ruse në Detin e Zi dhe qeveriset nga Moska.

Pavarësisht aneksimit të Krimesë nga Rusia në vitin 2014, Ukraina ende pretendon gadishullin dhe ka deklaruar synimet për ta rimarrë atë me forcë.

Gadishulli i Krimesë ka një rëndësi të madhe strategjike dhe simbolike për të dyja palët.

Kërkesa e Kremlinit që Ukraina të njohë Krimenë si pjesë të Rusisë ka qenë një nga kushtet e saj kryesore për t’i dhënë fund luftimeve, ndërsa Ukraina është zotuar të dëbojë rusët nga gadishulli dhe të gjitha territoret e tjera të pushtuara.

Rusia aneksoi ilegalisht Krimenë në vitin 2014 dhe nisi pushtimin e saj të paprovokuar të Ukrainës më 24 shkurt.

 

LEXONI GJITHASHTU:

 

 

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026