Raportim nga një çadër në Adana, kreu i shqiptarëve tregon situatën

Evren Kaya, kryetari i shoqatës së shqiptarëve në Adana, Turqi foli për Euronews Albania nga çadrat e ngritura për të mbijetuarit e tërmetit.

Ai tha se nevoja kryesore në kampin ku ndodhet ai është qumështi i bebeve dhe pelenat.

Kaya u shpreh se të mbijetuarit janë në gjendje të rënduar nga ana psikologjike.

“Po ndihmojmë me çfarë po mundemi. Ujë duhet, ujë sjellim, ushqime duhen, ushqime sjellim. Kemi nxjerrë dhe njerëz nga rrënojat. Sa mundemi po ndihmojmë,” – u shpreh ai.

Një tërmet tragjik goditi Turqinë dhe Sirinë mëngjesin e së hënës duke shkaktuar mbi 11 mijë viktima dhe mijëra të plagosur.

Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.

Ekipet e emergjencave vazhdojnë punën për nxjerrjen e personave që ndodhen nën rrënoja.

LEXONI GJITHASHTU:

• Pse janë të rëndësishme 72 orët e para pas tërmeteve?
• Përse ra tërmeti fatal, ekspertët zbardhin faktorët