Ndërron jetë ish-trajneri i njohur i Prishtinës, Kurti mesazh ngushëllimi

Ish-trajneri i kombëtares së Kroacisë në futboll dhe i klubit Prishtina, Mirosllav Bllazheviç, ka vdekur në moshën 87-vjeçare.

Ai kishte udhëhequr Kroacinë në Kupën e Botës më 1998, duke zënë vendin e tretë.

“E gjithë familja e futbollit sot ka humbur ‘trajnerin e trajnerëve’”, tha Federata kroate e Futbollit.

Mirosllav Bllazheviç, i njohur si Çiro, vdiq në Zagreb pas një lufte të gjatë me kancerin.

Më 1985 deri më 1986 ai ka qenë trajner i klubit të Prishtinës, që garonte në ligën federative të ish-Jugosllavisë.

Kryeministri i Kosovës, Albin Kurti përmes një postimi në faqen e vet në Facebook ka shprehur ngushëllimet për humbjen e madhe për futbollin.

“Si fëmijë, e mbaj mend qysh e pat bërë KF Prishtina aq të famshme. E pat sjellë në Prishtinë këngëtaren e njohur kroate, Tereza Kesovija. Para fillimit të një ndeshjeje të ligës elitare të vitit 1985 në Prishtinë, ajo doli në mes të fushës pranë kapitenit të atëhershëm Fadil Vokrri, për ta nisur ndeshjen formalisht, derisa të gjithë shikuesit në tribina mbanin shalla të bardhë, sepse kështu bënte vetë Mirosllav Çiro Bllazheviç.

LEXONI GJITHASHTU:

• Kurti pranoi planin franko-gjerman, Vuçiç për njohjen reciproke: Ëndërrojeni!
• Plani franko-gjerman, Kurti e diskuton me përfaqësuesit e shqiptarëve në Serbi