”S’kemi ngritur flamurin e bardhë”, Trump mohon zërat se ka hequr dorë nga luftimi i pandemisë së COVID-19

Ditën e hënë, presidenti i Shteteve të Bashkuara të Amerikës, Donald Trump u shpreh se nuk është dorëzuar në betejën ndaj COVID-19, pasi rivali i tij demokrat, Joe Biden e akuzoi se kishte hequr dorë nga lufta, duke u bazuar në deklaratën e Shefit të Shtabit të Shtëpisë së Bardhë, Mark Midous, se administrata Trump kishte hequr dorë nga ngadalësimi i përhapjes së infektimeve me coronavirus.

Trump po përballet më një sfidë të vështirë për sa i përket ri-zgjedhjes së tij në krye të Shtëpisë së Bardhë, e ndikuar kjo edhe nga mënyra se si u menaxhua kriza e krijuar nga pandemia e Covid-19.

“Jo, jo, është Biden ai që ka ngritur flamurin e bardhe, dhe i është dorëzuar jetës. Ai s’del nga bodrumi i tij. Është një kandidat patetik, këtë mund ta them me siguri. Ne kemi bërë një punë të jashtëzakonshme. Shihni ç’po ndodh në Europë. Prandaj që Jo, ne po bëjmë një punë sensacionale. Absolutisht që kemi situatën nën kontroll, pavarësisht çfarë shkruhet në “lajmet e rreme”, është shprehur presidenti amerikan.

SHBA-ja ka regjistruar numra rekord të të infektuarve në 48 orët e fundit, teksa në kampin demokrat është rikthyer vëmendja tek mënyra se si TRUMP dhe aleatët e tij neglizhonin këshillat e autoroiteteve shëndetësore për të mbajtur maskë dhe respektuar distancimin social.

Lexoni gjithashtu:

Fushata presidenciale në SHBA, dy kandidatët Trump e Biden vijojnë takimet në ditët e fundit

Trump voton ‘veten’ në Florida, vijon me fushatën elektorale në 3 shtete

Sacha Cohen rikthehet si ‘Borat’, publikohet filmi i ri komedi në prag të zgjedhjeve presidenciale