Deputeti Nallbati: Pse tentova të futesha në Kuvend kur isha i përjashtuar

Deputeti i Partisë Demokratike, Bledjon Nallbati tregoi në një intervistë për Euronews Albania arsyen se përse tentoi dje të futej në Kuvend kur ishte i përjashtuar.

Sipas tij Kuvendi i Republikës së Shqipërisë ka dalë nga normaliteti dhe ka hyrë në një rrugë pa krye me vendime arbitrare që i jep kryetarja e Kuvendit dhe i urdhëron kryeministri.

“Në këto kushte opozita nuk ka rrugë tjetër veçse të ngrejë zërin e saj kudo, edhe në Parlament, edhe në rrugë dhe kudo tjetër dhe protesta e djeshme ishte një nga protestat që opozita ka organizuar dhe do të organizojë për të sensibilizuar gjithë opinionin publik shqiptar dhe atë ndërkombëtar që këtu shteti nuk është në rrugën e duhur,” – u shpreh Nallbati.