Balluku në kantierin e aksit Korçë-Ersekë: Në fillim të verës rruga e përfunduar

Zv. kryeministrja Belinda Balluku vizitoi këtë të premte kantierin e aksit rrugor Korçë-Ersekë. Sipas saj punimet po ecin me ritme shumë të shpejta.

Ministrja e Energjisë dhe Infrastrukturës tha se deri në fillim të verës kjo rrugë do të jetë përfunduar plotësisht.

Ajo shoqërohej nga kryetari i bashkisë, Erion Isai bashkë me dy punonjës. Gjatë bashkëbisedimit të saj Balluku nënvizoi se me infrastrukturën e duhur që është tashmë nuk ka pse mos të rritet zhvillimi në këtë zonë.

“Turizmi, industria e lehtë ushqimore dhe bujqësia duhet të lulëzojnë në Korçë. Me infrastrukturën e duhur nuk ka arsye pse mos të lulëzojë,” – tha ajo.

Balluku shtoi gjithashtu se nëpër hotele nuk duhet të ketë më produkte të importit kur ato vendase janë të një cilësie më të lartë. Diçka e tillë mund të realizohet, sipas saj, me një ndërveprim më të lartë të bujqësisë me turizmin.

LEXONI GJITHASHTU:

• Porto Romano, Balluku: Investim strategjik për rajonin, kemi mbyllur të gjitha fazat
• Balluku: Porti i ri në Durrës do jetë modern, nuk do i shërbejë vetëm Shqipërisë