Pas kërcënimeve për hakmarrje, Koreja e Veriut lëshon raketën ICBM drejt Japonisë

Koreja e Veriut ka lëshuar një raketë balistike ndërkontinentale (ICBM), ka thënë qeveria japoneze.

Ministria e Mbrojtjes konfirmoi se raketa u nis të shtunën, fluturoi për 66 minuta dhe u ul në Detin e Japonisë.

Ky veprim vjen pasi Pheniani tregoi fuqinë e tij masive ushtarake në një paradë që përfshinte më shumë se një duzinë raketash ICBM.

Të premten, Koreja e Veriut kërcënoi se do të ndërmarrë një hakmarrje “të paprecedentë dhe të fortë” ndaj çdo stërvitje ushtarake midis Koresë së Jugut dhe SHBA-ve.

Stërvitjet vjetore të pranverës, të cilat do të fillojnë muajin e ardhshëm, janë krijuar për të ndihmuar në shmangien e kërcënimeve bërthamore në rritje të Koresë së Veriut. Por Pheniani ka këmbëngulur prej kohësh se stërvitjet janë një përgatitje për të pushtuar Korenë e Veriut.

Raketa e së shtunës, e cila është e para që lëshohet që nga dita e vitit të ri, ra në perëndim të Hokkaido, në zonën ekskluzive ekonomike të Japonisë, tha kryeministri japonez Fumio Kishida.

Zona ekskluzive ekonomike është një zonë detare mbi të cilën një vend ka juridiksion.

Në nëntor, një ICBM arriti një lartësi prej 6,100 km. Më parë, në janar 2022, Koreja e Veriut publikoi foto të jashtëzakonshme të Tokës që pretendonte se ishin marrë nga një lëshim rakete që arrinte 2000 km.

LEXO GJITHASHTU:

• Siri, 53 civilë vriten me plumb në kokë teksa mblidhnin tartuf
• Rusia nis ofensivën nga Deti i Zi, raketat bombardojnë qytetin