Jeta luksoze e Elseid Hysaj jehonë në mediat italiane

Mbrojtësi i kombëtares shqiptare Elseid Hysaj po kalon një formë të mirë, pas transferimit tek skuadra e Lazios. Tashmë 29-vjeçari është një lojtar kyç dhe titullar i padiskutueshëm për kryeqytetasit e drejtuar nga Mauricio Sarri.

Në mediat italiane janë publikuar artikuj rreth mbrojtësit kuqezi, por këtë herë jo për çka ai ofron në fushën e lojës. Shkrimet e publikuara trajtojnë jetën e Hysajt, të cilën e cilësojnë luksoze, madje duke shfaqur dhe foto të automjeteve të tij.

Tuttosport në titull vendos: Elseid Hysaj, sa luks për lacialin: Ja mega flota e tij e automjeteve.

Edhe Corriere Dello Sport ka folur rreth futbollistit

‘Ferrari, Mercedes, Lamborghini e Jeep, luks ekstrem për Elseid Hysaj’

Hysaj e ka bazuar karrierën e tij në futbollin Italian, aty ku e nisi gjithçka në moshën 15-vjeçare, tek akademia e Empolit.

Me të njëjtën skuadër debutoi në futbollin profesionist, më pas duke u transferuar tek Napoli ku luajti për 6 vite. Në 2021 u bashku Lazios ku numëron 47 paraqitje dhe ka shënuar 1 gol.

LEXONI GJITHASHTU:

• 47 mijë viktima nga tërmeti, ekspertët: U prekën 26 milionë njerëz
• ‘143 mijë rusë të vrarë’, Ukraina: Më shumë se 10 mijë mjete të shkatërruara