Putin zbulon planin mbështetës për ushtarët në Ukrainë dhe familjet e tyre

Putin ka mbajtur këtë të martë një fjalim në Moskë, ku iu drejtua kombit në lidhje me ecurinë e luftës në Ukrainë.

Gjatë fjalimit të tij, Putin u ndal edhe te mbështetja për personelin ushtarak që punon në Ukrainë.

“Çdo familje e një luftëtari të humbur, secili veteran, duhet të ketë një koordinator të kujdesit social pranë, i cili duhet të komunikojë personalisht me ta dhe të zgjidhë çështjet e tyre”, tha Putin.

Putin u zotua të krijojë një fondacion të posaçëm qeveritar, detyra e të cilit do të jetë të ofrojë ndihmë të synuar për pjesëmarrësit në të ashtuquajturin “Operacion Special Ushtarak” dhe familjet e tyre.

Ai thotë se do të koordinojë mbështetje sociale dhe mjekësore, si dhe punësimin për personat të cilët kanë marrë pjesë në frontin e luftës në Ukrainë.

LEXONI GJITHASHTU: 

• Putin: Rusia donte ta zgjidhte konfliktin në Ukrainë në mënyrë paqësore
• Putin fjalim në Moskë: Ukraina filloi luftën, ne mbrojtëm njerëzit tanë
• Putin akuza Perëndimit: Është tërhequr nga marrëveshjet themelore