Eksperti: Fatale ndërhyrja ushtarake e Kinës krah Rusisë

Eksperti i çështjeve ndërkombëtare, Dritan Hoti tha në një intervistë për Euronews Albania se ndërhyrja ushtarake e Kinës krah Rusisë do të ishte fatale.

Sipas tij do të ketë një rritje të tensioneve dhe agresivitetit politik ndërmjet superfuqive emergjente dhe Shteteve të Bashkuara të Amerikës.

“Në këtë kontekst është edhe një pikë që ne duhet ta përmendim, varet se si, është folur ditët e fundit për një mundësi të një ndihme konkrete ushtarake nga ana e Kinës përkundrejt Rusisë,” – u shpreh Hoti.

“Kina që ndihmon ushtarakisht Rusinë, mandej do të kishim një ndarje si me thikë ideologjike të kampit Perëndimor me Kinën dhe Rusinë,” – shtoi eksperti.

LEXONI GJITHASHTU:

• Kush do e bind Putin të ulet në bisedime për paqe? Eksperti zbulon emrat
• Putin: Nuk do përdorim armë bërthamore, por jemi gati