Afron kurorëzimi i Charles III, Mbreti zgjedh personalisht muzikën për ceremoninë

Mbreti Charles ka zgjedhur 12 pjesë muzikore për ceremoninë e kurorëzimit të tij, përfshirë këtu veprat e Andrew Lloyd–Webber.

Ceremonia do të mbahet më 6 maj në Westminster Abbey dhe gjatë eventit do të ketë një kor që do të këndojë pjesë të Ungjillit dhe muzikë greko-ortodokse që do të luhet në nder të babait të tij, princit Philip.

Lloyd–Webber, i mirënjohur për shkrimin e disa veprave muzikore si “Fantazma e Operës”, po shkruan aktualisht një himn të bazuar në vargjet e Biblës.

Konkretisht flitet se në ceremoni do të performohen 6 pjesë muzikore me orkestër, 5 do të këndohen në kor dhe një këngë që do të luhet me organo.

Kurorëzimi pritet të jetë një event spektakolar, me një orkestër speciale dhe solistë, mes të cilëve këngëtari uellsian i operës Sir Bryn Terfel, i cili do të këndojë edhe në dialektin amtar.

Në momentin kur Mbreti do të shpallet monark, anëtarët e korit nga Westminster School do të këndojnë në latinisht këngën “Vivat”, një këngë që luhet tradicionalisht për kurorëzimin, përfshirë rastin e Mbretëreshës në 1953-shin.

Ndërkohë, ditën pas kurorëzimit do të mbahet një koncert në kështjellën Windsor, ku pritet të marrin pjesë këngëtarë të shumtë të famshëm, emrat e të cilëve nuk janë konfirmuar ende.

LEXONI GJITHASHTU:

• Pse e mori Ahmet Zogu floririn? Ja çfarë bëri mbreti me pasurinë
• Mbreti Charles III përzë të vëllanë nga Pallati Buckingham