Pse e mori Ahmet Zogu floririn? Ja çfarë bëri mbreti me pasurinë

Drejtori i Arkivës, Ardit Bido tregoi në “Now me Erla Mëhillin” se për çfarë e përdori pasurinë mbreti Ahmet Zogu.

“Mbreti Zog këtë sasi monetare që mori, kishte një qëllim të caktuar, që e kemi historikisht të faktuar. Qëllimi ishte që të krijonte qeveri në mërgim pavarësisht se kjo nuk u njoh dhe fakti që nuk u njoh është fat i keq i Shqipërisë, që lufta e Shqipërisë ndodhi para nisjes së Luftës së Dytë Botërore dhe praktikisht të gjithë aleatët e mëvonshëm të Shqipërisë e njohën pushtimin si diçka normale dhe ai mbajti ambasada, por nga ana tjetër tentoi të krijonte dhe një ushtri në mërgim siç bënë shumë vende të tjera,” – u shpreh Bido.

“Pra, qëllimi i marrjes së kësaj pasurie, e cila po e theksoj edhe njëherë nuk është ndonjë shifër shumë e madhe, kishte të bënte me mbajtjen e një qeverie në mërgim dhe ruajtjen dhe legjitimitetin,” – përfundoi ai.

LEXONI GJITHASHTU:

• Floriri që u zhduk| Drejtori i Arkivës: Ahmet Zogu mori 40 milionë dollarë me vete
• Drejtori i Arkivës: Pse publikuam dokumentin sekret të floririt që mori me vete Zogu