Dyndje në poliklinikë për patentë, qytetarët në Durrës të revoltuar

Me fëmijë apo letra ndër duar, qindra qytetarë në Durrës i janë drejtuar poliklinikës së qytetit.

Ata nxitojnë të kryejnë vizitat shëndetësore për t’u regjistruar në kurset për patentë përpara se çmimi të dyfishohet.

 “U frikësuam, sepse i dyfishoi tarifat për patentë. Ne jemi të varfër dhe u detyruam të mblidhemi,” – u shpreh një qytetar.

Kjo dyndje ka sjellë si rezultat orë të tëra pritje në radhë.

 “Kam ardhur që në mëngjes, rreth orës 7,” – tha një grua.

 “Që në mëngjes presim,” – shtoi një burrë.

 “Jam që në 6 këtu dhe kam marrë nr.70 dhe kanë hyrë njerëz të tjerë përpara. Sepse është shtet i korruptuar, me lekë çdo gjë, kanë miq,” – tha një qytetare.

Ndonëse lënë punët e kalojnë orë të tëra në pritje, shumica nuk arrijnë as të marrin shërbimin.

Prandaj ata apelojnë për shtim të sporteleve, që të mund të përballohet fluksi.

Poliklinika e Durrësit, për shkak të dëmtimeve që ka pësuar nga tërmeti, është zhvendosur në ambientet e Pediatrisë së Spitalit Rajonal.

Por, edhe pse e ndarë në dy ambiente me hyrje të ndryshme, duket se drejtuesit kanë dështuar në përballimin e fluksit.

LEXONI GJITHASHTU:

• Dyndje e lartë qytetarësh për bërjen e patentës në Korçë, shkak rritja e tarifës
• Patenta 85 mijë lekë, qytetarët në Elbasan nxitojnë të përfitojnë nga tarifa aktuale