Anglia sërish në karantinë ndërsa rastet e coronavirusit në Europë vazhdojnë të rriten

Anglia është futur përsëri në karantinë për të parandaluar përhapjen e coronavirusit.

Qytetarët shijuan natën e fundit në bare, lokale dhe restorante të mërkurën, para se të vendoseshin rregullat e reja.

Dyqanet dhe bizneset, që nuk konsiderohen si të domosdoshme, si për shembull, baret, restorantet, parukeritë, palestrat, dyqanet e rrobave dhe kinematë do të qëndrojnë të mbyllura të paktën deri më 2 dhjetor, sipas urdhrit të fundit të qeverisë.

Por, ndryshe nga karantina e pranverës, shkollat dhe universitetet në Angli do të vazhdojnë mësimin në klasa dhe auditore.

Pronarët e bizneseve kanë shprehur pakënaqësi me vendimin, i cili vjen para periudhës së festave të fundvitit, ndërsa qeveria those se shpreson që vendi të rihapet në dhjetor.

Sistemi shëndetësor në vend ka arritur nivelet më të larta të emergjencës, pasi Mbretëria e Bashkuar shënon numrin më të lartë të vdekjeve në Europë, me afërsisht 48,000 viktima nga coronavirusi.

Lexoni gjithashtu:

COVID-19, Italia shënon numrin më të lartë të viktimave në 6 muaj, masa shtesë në Holandë e Hungari

Shtetrrethim në Itali, Conte paralajmëron ashpërsimin e masave anti-covid

“Nuk dua të detyrohemi të sakrifikojmë jetë njerëzish”, thotë kancelarja Merkel teksa Gjermania hyn në karantinë

Kufizime dhe protesta, vijojnë të shtohen rastet me COVID-19 në Evropë