Shuhet kitaristi i njohur, bashkautor i hitit ‘Sweet Home Alabama’
Kitaristi Gary Rossington, anëtari i fundit i mbetur gjallë nga banda amerikane e rokut LINIRD SKINIRD, ka ndërruar jetë të hënën në moshën 71-vjeçare.
Një nga themeluesit e grupit të famshëm, Rossington debutoi në të gjitha albumet dhe është bashkautor i hitit “Sweet Home Alabama”, e përdorur si kolonë zanore në shumë filma të Hollivudit.
Në vitin 1977 ai i mbijetoi aksidentit ajror ku anëtarët kryesorë të grupit humbën jetën.
Por pavarësisht problemeve shëndetësore, Rossington vazhdoi të interpretonte në shfaqje të shumta muzikore deri në shkurtin e kaluar.
“Me trishtim të thellë na duhet të njoftojmë se kemi humbur vëllain, mikun, kantautorin dhe kitaristin tonë Gary Rossington”, thuhet në një komunikatë të publikuar në profilin simbolik të bandës në rrjetin social Facebook.
Menaxherët e profilit shprehen se tani, Gary është me vëllezërit e grupit dhe me familjen e tij në Parajsë, ku vazhdon të performojë me kitarën e tij.
Shkaqet e vdekjes për momentin janë të paqarta, por në 2021-shin Rossington iu nënshtrua një ndërhyrjeje në zemër.
LEXONI GJITHASHTU:
Kryefaqja
SHBA vendos kufizime të reja vizash ndaj autorëve të krimeve kibernetike
Belgjika përjeton një nga ditët më vdekjeprurëse për shkak të valës së të nxehtit
Mbi 80 mijë persona nënshkruajnë një peticion që kërkon përsëritjen e finales së Kupës së Botës
- 17:09 SHBA vendos kufizime të reja vizash ndaj autorëve të krimeve kibernetike
- 17:07 Belgjika përjeton një nga ditët më vdekjeprurëse për shkak të valës së të nxehtit
- 17:04 Mbi 80 mijë persona nënshkruajnë një peticion që kërkon përsëritjen e finales së Kupës së Botës
- 16:57 Berisha akuzon Ramën për reformën territoriale: Erdhi në Kuvend për ta varrosur
- 16:30 Erëra të forta dhe det i trazuar gjatë së premtes, apeli i Kapitenerisë së Vlorës për pushuesit dhe operatorët
- 16:26 Kryeministri Rama largohet nga Kuvendi, opozita hedh shishe dhe karton drejt tij (VIDEO)