“Nuk mund të hysh ti në shtëpinë time”, Shkreli përplaset me arkitekten

Arkitektja Doriana Musaj debatoi me drejtorin e Institutit të Ndërtimit, Artan Shkreli sa i takon pronësisë dhe objekteve që mund të shemben pas auditimit.

Sipas arkitektes është e papranueshme që t’i hysh tjetrit në pronë sepse objekti ku ai banon është mbi 50 vite i vjetër. Ndërkohë që Shkreli insistoi se e gjitha ka të bëjë me objektin dhe jo me pronën private.

Biseda në “Now me Erla Mëhillin”

Musaj: Pra, nëse shkojmë dhe prekim pronën dhe i kemi hyrë praktikisht njerëzve brenda banesës, kjo është një gjë që praktikisht kemi hyrë në çdo banesë më shumë se 50-vjeçare.

Shkreli: Më fal te cili rresht aty thuhet që i hyhet pronës se jam kurioz, ma thuaj se ndoshta dhe mua mund të më ketë shpëtuar se njerëz jemi. Ç’lidhje ka me pronën, po flasim për një objekt?! Procesi nuk merret me pronën, merret me ndërtesën.

Musaj: Nuk ka ndërtesë pa pronë, zoti Shkreli, nuk ekziston

Shkreli: Auditi nuk ka lidhje me pronën

Musaj: Në momentin që ke hyrë te dera ime, ke hyrë te prona ime

LEXONI GJITHASHTU:

• A do të shemben digat? Shkreli i përgjigjet Gazmend Oketës: Gati t’i auditojmë
• Artan Shkreli sqaron çfarë do të shembet pas auditimit