Meta kthen ”gjendjen civile”: PS kërkon të zhvendosë fiktivisht votuesit para zgjedhjeve

Në datën 22 nëntor Kuvendi i Shqipërisë miratoi ndryshimet në ligjin për gjendjen civile, i cili parashikonte heqjen e gjobës prej 10 mijë lekësh në rast mosdeklarimi të adresës së banimit.

Ky ligj kaloi pa shumë zhurmë dhe u argumentua se heqja e gjobës do të nxiste qytetarët të deklaronin vendbanimin e tyre.

Por kur ligji shkoi për firmën e Ilir Metës, qasja ndaj tij ndryshoi. Shtatëmbëdhjetë ditë nga miratimi, presidenti firmosi dekretin për ta kthyer për rishqyrtim ku si çdo dokument presidecial të ditëve të fundit, akuzat ndaj shumicës socialiste nuk munguan.

Për Ilir Metën ky ligj synon të forcojë pozitat e maxhorancës në disa zona zgjedhore duke transferuar fiktivisht qytetarët. Në dekret shprehet qartë se maxhnoranca kërkon ta përdorë këtë nismë për qëllime politike dhe se në ato zona ku mazhoranca qeverisëse e ndjen veten të dobët politikisht, tashmë pa asnjë kufizim, mund të nxisë lëvizjen apo transferimin e gjendjes civile, në formën e vetëdeklarimit “të vonuar”.

Dhe për presidencën, ky ndryshim ligji nuk mund të bëhet në periudhën zgjedhore pasi do të sillte ndryshimin e numrit të mandateve për çdo zonë zgjedhore.

Meta e mbyll dekretin me frazën presidenciale, që maxhoranca ta marrë nën shqyrtim këtë dekret dhe mos ta rrëzojë.