Mijëra mbështetës të Biden festojnë në rrugë, përkrahësit e Trump ende me shpresë

Festë dhe protestë në rrugët e shteteve amerikane. Kështu mund të përshkruhen orët e fundit në Shtetet e Bashkuara të Amerikës pas lajmit se kandidati demokrat Joe Biden siguroi më shumë se 270 vota elektorale çka i siguron 77-vjeçarit drejtimin e Shtëpisë së Bardhë.

Me mijëra qytetarë kanë festuar në rrugë duke u shprehur plot shprese  se tashmë ka ardhur fundi i epokës së Trump.

“Më jep një ndjenjë shprese. Ne kemi ende shumë punë për të bërë, por kjo ka qenë koha më e polarizuar në historinë amerikane. Na është dashur të përballemi me  katër vjet politikë përçarëse dhe gënjeshtra nga Donald Trump, kështu që fakti që ai në të vërtetë humbi, më jep shpresë”, thotë Ken Wheeler, mbështetës i Biden.

Duke kërcyer në rrugë, në shatërvanë, duke kënduar ishte kjo mënyra sesi mbështetësit e Joe Biden e shprehën gëzimin e tyre për fitoren e demokratit.

Ndërsa nga njëra anë festohej në anën tjetër  Mbështetësit e presidentit Trump reaguan me një përzierje ndjenjash  zhgënjimi, dyshimi por edhe duke shpresuar se rezultati mund të kthehet

“Nëse nuk kthehet, nëse nuk ka një ndryshim në rinumërim dhe është një numërim i ligjshëm, atëherë ai do të jetë presidenti ynë i ardhshëm. Për fat të keq, unë mendoj se kjo do ta çojë vendin tonë buzë greminës.

Protestë dhe festë në SHBA dhe këto janë zgjedhje të cilat do të mbahen mend për numrin e lartë të shtetasve që morën pjesë në votime por edhe sepse Joe Biden është kandidati që ka marrë më shumë vota popullore në historinë e zgjedhjes së presidenteve në SHBA.