Të dënuar për prostitucion dhe trafik droge, OFL-ja vë në shënjestër 4 persona

Operacioni Forca e Ligjit iu ka dërguar formularët për të deklaruar pasuritë e tyre 4 të dënuarve për shfrytëzim prostitucioni dhe trafik droge. Në sitën e OFL-së janë Blerim Vrapi, Agron Bardhoshi, Rexhep Spata dhe Lorenc Hoxha (Kanani).

“Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetë-deklarimin e burimeve të pasurisë, shtetasve: B. V., banues në Berat, i dënuar për veprën penale “Trafikimi i narkotikëve”;

A. B., banues në Berat, i dënuar për veprën penale “Shfrytëzimi i Prostitucionit”; R. S., banues në Berat, i dënuar në Finlandë për veprën penale “Trafikimi i narkotikëve”; L. H.(K.), banues në Berat, i dënuar në Zvicër për veprën penale “Trafikimi i narkotikëve”, njofton policia.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.