Sali Berisha non grata në BE? Borrell: Nuk kemi informacion

Përfaqësuesi i Lartë i Bashkimit Evropian për Politikë të Jashtme, Joseph Borrell tha se nuk ka asnjë informacion për ndonjë shtetas shqiptar që të shpallet non grata nga BE-ja.

“Nga pikëpamja jonë e vetmja gjë që mund të themi është që ne i marrim vendimet për sanksionet e Këshillit dhe këto janë pjesë e politikës së jashtme dhe sigurisë, por mesa di unë nuk kam asnjë informacion për propozim për sanksione për qytetarë shqiptarë,” – u shpreh Borrell, ndërsa u pyet për qëndrimin e BE-së ndaj Sali Berishës, i cili është shpallur non grata nga SHBA-ja.

Zyrtari i lartë i BE-së e dha deklaratën për gazetarët në konferencën e përbashkët me Edi Ramën dhe Oliver Varhelyin.

LEXONI GJITHASHTU:

• Borrell: Ramë dakord, qeveria do të tërhiqet nga pasaportat e arta
• Borrell: Të pranohet plani evropian, është koha që të përfundojë