Borrell: Të pranohet plani evropian, është koha që të përfundojë

Përfaqësuesi i Lartë i Bashkimit Evropian për Politikë të Jashtme, Josep Borrell ka deklaruar sot se takimi i 18 marsit në Ohër, do të bëhet për të rëndë dakord se si të zbatohet marrëveshja e propozuar nga BE.

Përmes një postimi në Twitter Borrell ka bërë thirrje se është koha që të përfundojë.

Kryeministri i Kosovës, Albin Kurti dhe presidenti i Serbisë, Aleksandër Vuçiç do të mbajnë takimin e radhës në kuadër të dialogut më 18 mars në Ohër.

Bashkimi Evropian ka informuar se Përfaqësuesi i Lartë i BE-së për politikë të Jashtme, Josep Borrell, së bashku me emisarin special të BE-së për dialogun, Miroslav Lajçak, nga ora 10:00 do të takohen ndaras me kryeministrin Albin Kurti dhe presidentin e Serbisë, Aleksandër Vuçiç. Pas takimeve ndaras, do të mbahet edhe një takim të përbashkët, i cili do të fokusohet në Propozimin e BE-së për normalizimin e marrëdhënieve ndërmjet Kosovës dhe Serbisë.

Më 27 shkurt, Kosova dhe Serbia kanë rënë dakord për përmbajtjen e Propozimit evropian, sipas zyrtarëve të Bashkimit Evropian.

LEXONI GJITHASHTU:

• “Kosova humbet”, Behgjet Pacolli: S’ka njohje reciproke, Asociacioni do krijohet
• Borrell: BE dhe SHBA kanë bashkëpunim të mirë për dialogun Kosovë-Serbi