Polonia “çmonton” rrjetin e spiunazhit rus në Poloni

Polonia ka akuzuar gjashtë shtetas të huaj për përgatitje të akteve të sabotimit dhe spiunazhit për Rusinë.

Ministri i Brendshëm i Polonisë Mariusz Kaminski tha se gjashtë të huaj përtej kufirit lindor të Polonisë kishin kërkuar të ndërprisin frunizimet dhe ndihmat e dërguara për Ukrainën. Aktualisht prokurorët po përgatisin procedimin penal ndaj 3 personave të tjerë të arrestuar në këtë operacion.

Sipas ministrit të brendshëm, ky grup monitoronte linjat hekurudhore të cilat përfshijnë njohjen monitorimin dhe dokumentimin e transportit të armëve në Ukrainë. Gjithashtu ministri tha se “Të dyshuarit po përgatisnin gjithashtu aksione sabotuese që synonin paralizimin e furnizimit me pajisje, armë dhe ndihmë për Ukrainën”.

Gjashtë nga të dyshuarit janë akuzuar për spiunazh për Rusinë dhe pjesëmarrje në një grup të organizuar kriminal, pasi ata u arrestuan si pjesë e një operacioni të kryer nga Agjencia e Sigurisë së Brendshme të Polonisë.

Oficerët gjetën kamera, pajisje elektronike dhe transmetues GPS që do të montoheshin në transportin e ndihmave për në Ukrainë.

Grupi u ngarkua gjithashtu me kryerjen e aktiviteteve propagandistike për të prishur marrëdhëniet polake-ukrainase dhe për të nxitur qëndrime armiqësore ndaj Polonisë midis NATO-s, tha Kaminski.

Të mërkurën, stacioni radiofonik polak, RMF FM raportoi se disa kamera u gjetën pranë aeroportit të vogël rajonal Rzeszoë-Jasionka, i cili është shndërruar në një qendër logjistike ndërkombëtare që furnizon Ukrainën me furnizime ushtarake dhe humanitare.

Konflikti i spiunazhit mes Rusisë dhe Perëndimit është intensifikuar që nga lufta në Ukrainë. Polonia është një nga aleatët më të fortë të Ukrainës dhe forcat e saj të sigurisë kanë arrestuar disa persona të dyshuar për spiunazh për Rusinë që nga pushtimi shkurtin e kaluar.

LEXONI GJITHASHTU:

• Pas protestave të dhunshme, Macron vendosë ta kalojë reformën e pensioneve pa votim
• Polonia do të transferojë 4 avionë luftarakë MiG-29 në Ukrainë