Princesha spanjolle Leonor së shpejti do të kryejë shërbimin ushtarak 

Princesha e Kurorës spanjolle, Leonor do të fillojë stërvitjen e saj ushtarake tre-vjeçare në gusht ose shtator të këtij viti.

Vajza e madhe e mbretit Philip VI, e cila mbush 18 vjeç në tetor, do të marrë pjesë në Akademinë e Përgjithshme Ushtarake të Ushtrisë Spanjolle në qytetin verilindor të Zaragozës.

Më pas, trashëgimtarja e fronit spanjoll do të kalojë një vit në një shkollë detare në rajonin veriperëndimor të Galicisë, si dhe një vit në Akademinë e Forcave Ajrore në rajonin juglindor të Murcias, tha ministrja spanjolle e Mbrojtjes Margarita Robles.

Pas mbledhjes së qeverisë, ministrja sqaroi se Pallati Mbretëror beson se Leonor “duhet t’i nënshtrohet stërvitjes ushtarake, si babai i saj, mbreti Filip, dhe siç është zakon në monarkitë e tjera parlamentare”.

“Në vitet e fundit, ne kemi bërë përpjekje të konsiderueshme për të përfshirë gratë në forcat e armatosura”, tha ajo.

Princesha do të përfundojë një arsim dyvjeçar në UWC Atlantic College në Uells në fund të majit.

Nëse ndjek hapat e të atit, pas përfundimit të stërvitjes ushtarake do të ndjekë një universitet në Spanjë dhe më pas do të kryejë një master jashtë vendit.

LEXONI GJITHASHTU:

• Dalin në ankand fotot e rralla të princeshës Diana me William-in foshnje
• Del në ankand fustani i preferuar i Princeshë Dianës, sa do të jetë çmimi