“Ka kryer krime lufte”, Biden reagon pas urdhër arrestit për Putinin

Presidenti i SHBA, Joe Biden deklaroi se presidenti rus, Vladimir Putin ka kryer krime lufte dhe vendimi i Gjykatës Ndërkombëtare Penale për të lëshuar një urdhër arresti për të ishte i justifikuar.

Gjykata e ka akuzuar Putinin për kryerje të krimeve të luftës në Ukrainë, diçka që presidenti Biden ka thënë se lideri rus “e ka bërë qartë”.

Pretendimet fokusohen në dëbimin e paligjshëm të fëmijëve nga Ukraina në Rusi, prej nisjes së luftës së Moskës, më 2022.

Moska i ka hedhur poshtë këto pretendime dhe e ka cilësuar urdhër arrestimin si “fyes”.

Ka shumë pak mundësi që të ketë rezultat nga ky veprim, pasi Gjykata Ndërkombëtare Penale nuk ka fuqi për të arrestuar të dyshuarit në Rusi, pa bashkëpunim me Qeverinë ruse.

LEXONI GJITHASHTU

• Shtëpia e Bardhë: Nuk kërkojmë konflikt të armatosur me Rusinë
• Xi Jinping javën tjetër takim me Putin, çfarë do të diskutohet
• Putin thirrje miliarderëve rusë: Investoni në Rusi, t’u përgjigjemi sanksioneve