Aplikimet për subvencionin e naftës, fermerët në Korçë ngjeshen në radhë

Dita e parë e aplikimeve për subvencionin e naftës ka sjellë radhë në drejtorin e bujqësisë në Korçë.

Dhjetra fermerë gjenden pranë zyrave të kësaj drejtorie , në pritje për të dorëzuar dokumentacionin e nevojshëm për përfitimin e naftës.

Sipas drejtorit Vullnet Gjolla, dita e parë e aplikimeve ka sjellë rradhën e gjatë në drejtori, ndërsa ka bërë thirrje që të mos shpejtohen pasi ka afat deri në 20 ditë dhe aplikimet bëhen edhe online në çdo moment, po ashtu dhe në 4 agropikat e qarkut.

Sipas fermerëve, radha është krijuar që prej mëngjesit, ndërsa kanë disa orë pritje deri në dorëzim të dokumentacionit. Situata sipas tyre, nuk është normale sidomos për moshat e treta.

LEXONI GJITHASHTU

• Tregtarët 4-fishojnë çmimin e qepës, fermerët në Korçë e shesin me 30 lekë/kg
• Fermerët me humbje: E shesin qepën me 18 lekë, më mirë të ikim të punojmë në Greqi