Vuçiç sqaron deklaratën: S’është kërcënim, por dëshirë për kompromis dhe paqe

14 Nëntor 2020 | 09:15

Presidenti i Serbisë, Aleksandar Vuçiç është përpjekur të sqarojë deklaratën e tij që solli reagime të ashpra në Kosovë dhe Shqipëri.

Kreu i shtetit serb ka sqaruar me një deklaratë tjetër se komenti për “konfliktet e ngrira” që ai pati thënë se “mund të përshkallëzohen në çdo moment”, ishte për të nënvizuar nevojën për të shmangur këtë politikë të konfliktit të ngrirë.

“Me këtë kam shprehur dëshirën që të krijojmë paqen dhe të bëjmë zgjidhjen me kompromis. Për çdokënd kjo ishte e qartë,” – pretendoi Vuçic, ndërsa shtoi se “Kosova i ka arsyet e veta dhe përplasjet e brendshme”.

Deklarata që Vuçiç bëri duke hequr një paralele me konfliktin në Nagorno-Karabakh, erdhi pas një takimi që presidenti serb zhvilloi me ambasadorë të Shteteteve të Bashkuara dhe vendeve të Bashkimit Evropian në Beograd.

Ai paralajmëroi se “situata mund të përshkallëzohet deri në një katastrofë të vërtetë”.

Nga Prishtina erdhën reagim të ashpra. Ushtruesja e detyrës së presidentit të Kosovës, Vjosa Osmani dhe kryeministri Avdullah Hoti, i bënë thirrje Bashkimit Evropian dhe NATO-s, që të mbajnë qëndrim për këto komente.

Por deri tani nuk ka pasur asnjë koment as nga BE dhe as nga NATO.  

Ministri i Shtetit për Diasporën Pandeli Majko në një intervistë për Eruonws Albania e cilësoi të papërgjegjshme deklaratën e Vuçiç.

 

Lexoni gjithashtu:

Deklarata e Vuçiç, Majko: Serbia po armatoset vrullshëm, s’besoj se është për gjueti rosash

Home Kryefaqja
Shiko në: YouTube
Lajme të Sugjeruara

Rubio: Anëtarësimi i Kosovës në NATO tani nuk është në krye të agjendës së aleatëve

Sekretari amerikan i Shtetit, Marco Rubio, tha se zgjerimi i NATO-s për të përfshirë Kosovën aktualisht nuk është në krye të agjendës së aleatëve, por...
08:17 | 04/06/2026

Costa takohet edhe me Osmanin, në fokus hapat e Kosovës drejt integrimit evropian

Ish-presidentja e Kosovës, Vjosa Osmani këtë të mërkurë është takuar me Presidentin e Këshillit Evropian, Antonio Costa në kuadër të vizitës së tij në Prishtinë....
16:28 | 03/06/2026

Kurti takim me Costan: Kosova është rreshtuar plotësisht me politikën e jashtme të BE-së

Kryeministri i Kosovës, Albin Kurti ka zhvilluar këtë të mërkurë një takim me presidentin e Këshillit Europian, Antonio Costa. Zyra e Kurtit ka zbuluar detaje...
15:30 | 03/06/2026