Basha nxjerr shifrat: Me Ramën jemi të fundit në rajon, për ndihmën direkte për ekonominë

Kryetari i Partisë Demokratike, Lulzim Basha në një postim në Twitter ka sulmuar sërish kryeministrin Edi Rama. Basha thekson se me Ramën jemi të fundit në çdo fushë, përfshirë këtu edhe ndihmën direkte për ekonominë, ndërkohë ka publikuar edhe një grafik. 

“Me Ramën jemi të fundit në çdo fushë, përfshirë ndihmën direkte për ekonominë. Por jo dhe shumë gjatë! Bashkë do ta shërojmë Shqipërinë, do të ndihmojmë financiarisht çdo familje shqiptare dhe do të sjellim shpresë të re për vendin”, shkruan Basha.

Me Ramën jemi të fundit në çdo fushë, përfshirë ndihmën direkte për ekonominë. Por jo dhe shumë gjatë! Bashkë do ta shërojmë Shqipërinë, do të ndihmojmë financiarisht çdo familje shqiptare dhe do të sjellim shpresë të re për vendin. pic.twitter.com/IBD3zIGwHP

— Lulzim Basha (@lulzimbasha_al) November 15, 2020

Ditët e fundit Lulzim Basha dhe Edi Rama kanë replikuar në distancë për situatën e pandemisë në vend. Nga ana e Bashës nuk kanë munguar akuzat për qeverinë, pasi sipas tij spitalet janë në kolaps. Ndërsa, Rama është shprehur i prerë se kjo është një politikë e mjerë dhe se kryedemokrati ëndërron katastrofën.

 Lexoni gjithashtu: 

Pandemia, Basha sulmon Ramën, kryeministri: Çfarë politikë e mjerë, ëndërron katastrofën