Gazetari: Alibeaj ka frikë të futet në zgjedhje, e do Berishën si alibi për humbjen

Gazetari Gëzim Saliu tha se Alibeaj po kërkon të negociojë me grupin e Berishës për zgjedhjet në mënyrë që ta ketë atë si alibi për humbjen.

I  ftuar në Euronews Albania, gazetari  Saliu tha se Enkelejd Alibeaj, si  kryetar i komanduar i Partisë Demokratike i frikësohet futjes në zgjedhje  me kandidatët e tij, ndërsa nëse futet  me kandidatët e Berishës ai do të ketë  një alibi të mirë për të legjitimuar humbjen.

“Sipas meje çdo gjë ka ardhur me vonesë nga grupimi i  zotit Alibeaj.  Negociatat dhe kërkesat për negociata kanë ardhur vetëm pasi zoti Alibeaj mori vulën. Para kësaj ai ka qenë tepër anatagonist. Nuk ka pasur kërkesa për negociata kur kanë dalë kandidatët e  primareve. Tani erdhën këto kërkesa dhe sipas meje  këto kërkesa  vijnë se zoti Alibeaj ka frikë të futet në fushën e betejës me kandidatët që ka  zgjedhur vetë sepse e di fare mirë që mund të dalë parti e dytë, e tretë dhe nuk mund të fitojë asnjë bashki.

Kështu duke ndarë përgjegjësinë me zotin Berisha, zoti Alibeaj do të kishte një alibi të paparë në fund të zgjedhjeve se do thoshte u bashkuam me zotin Berisha, ja çfarë ndodhi kur na kërkuat të bashkohemi me non gratën dhe nuk arritëm të fitonim bashkitë që duhet.

Sipas meje siç është grupimi i Alibeaj dhe me mënyrën  se si po përzgjedh të nxjerrë kandidatët e shikoj fare të vogël ndikimin që mund të ketë në zgjedhje, por është vendim që ndikon te opozita në tërësi”,-tha për Euronews Albania gazetari Gëzim Saliu.

LEXONI GJITHASHTU:

• Analisti: Kurti bëri kthesën 180 shkallë, kërkon mbështetjen nga Rama
• Po bënin alpinizëm nga Valbona në Theth, rrëshqasin nga dëbora 4 alpinistë serbë