“Kemi sfida”, Kushi: Do të ndërtojmë dhe tre stadiume, përfitimet që sjellin

Ditën e sotme  janë nderuar 7 sportistët e talentuar shqiptarë, kampionë bote dhe Europe të cilët kanë përfaqësuar Shqipërinë me dinjitet të lartë në peshëngritje, ski, mundje, boks, bilardo e bodybuilding.

Ministrja Evis Kushi në fjalën e saj tha se sportistët jo vetëm i shpërblejë por dhe i punësojnë në Ministrinë e Mbrojtjes ku marrin dhe grada.

Teksa përmendi zhvillimet që kanë sjellë investimet në sport, Kushi theksoi se do të ndërtohen dhe tre stadiume të mëdha, në Korçë, në Vlorë dhe në Durrës .

“Ne jo vetëm i shpërblejmë sportistët por dhe i punësojmë  në Ministrinë e Mbrojtjes dhe madje me ligjin e ri ata mund të marrin dhe grada.  Unë, qeveria dhe të gjithë ne jemi të vetdijshëm që kemi shumë  sfida përpara përsa i takon infrastrukturës sportive. Kemi bërë shumë, por kemi ende shumë për  të bërë. Ne e kemi kuptuar se falë investimeve në infrastrukturë ne  mund të  organizojmë dhe evente të mëdha ndërkombëtare që sjellin jo vetëm zhvillim të sportit por dhe promovimin më të mirë të Shqipërisë, dhe zhvillime ekonomike.

Për këtë arsye do të ndërtohen dhe tre stadiume të mëdha,  në Korçë, në Vlorë dhe në Durrës. Do të jenë komplekse të mëdha ku do të ofrohen shërbime të mëdha, ku do të ketë dhe qendra tregtare”- tha ajo.

LEXONI GJITHASHTU: 

• 37 viktima nga zjarri në zyrën e emigracionit të Meksikës
• Sulmohet me raketa ruse një kopsht e një shkollë në Ukrainë