Kosova zhgënjen sërish, dardanët nuk marrin dot as 3 pikë me Andorrën

Kosova ka zhgënjyer sërish në kualifikueset e Europianit të 2024-ës, teksa të besuarit e Xhires u ndalën edhe nga Andorra. Në një përballje që u dominua nga dardanët, rezultati përfundimtar ishte 1-1. Përballë një kundërshtari modest që goditi vetëm 2 herë në portën e Muriç, ndërsa njëra prej tentativave u ndal në rrjetë.

Vendësit, me dëshirën e madhe për fitore dominuan takimin, ndërsa pjesa e dytë pati më tepër ritëm se e para. Në minutën e 59- ishte Edon Zhegrova që shënoi një supergol, i shërbyer saktë nga Milot Rashica. Ende pa marrë veten nga pësimi i golit, modestët e Andorrës u kundërpërgjigjën menjëherë, ku vetëm 2 minuta më pas shënon golin e barazimit.

Heroi i andorianëve ishte Berto Rosas, 20-vjeçari që aktivizohet në ligën e 4-ët spanjolle me Betis B. Kjo ishte pika e parë për miqtë në këto kualifikuese, teksa ndeshjen debutuese u mposhtën nga Rumania. Në anën tjetër, Kosova dështoi sërish të fitonte, pasi pak ditë më parë barazoi në Tel Aviv me Izraelin, me po të njëjtin rezultat.

LEXONI GJITHASHTU

• Shqipëria e pa fat, asnjë pikë në ndeshjen e parë të kualifikuesve EURO 2024
• Zbulohet oferta e çmendur për Messin nga Arabia, më e lartë se ajo e Ronaldos