Shefi i Wagner: Beteja për Bahmutin na ka shkaktuar dëme të rënda

Yevgeny Prigozhin, kreu i grupit mercenar rus, Wagner, tha më 29 mars se luftimet për qytetin ukrainas të Bakhmutit kanë shkaktuar dëme të rënda në forcat e tij, por edhe në palën ukrainase.

“Beteja për Bahmutin tashmë ka shkatërruar praktikisht ushtrinë ukrainase, dhe për fat të keq, ajo gjithashtu ka dëmtuar rëndë kompaninë ushtarake private Wagner”, tha Prigozhin.

Gjatë ditës, ushtria ukrainase ka thënë se forcat e saj kanë zmbrapsur më shumë sulme ruse në Bahmut, teksa presidenti Volodymyr Zelensky, ka thënë se Kievi nuk mund ta përballojë humbjen e betejës në këtë qytet në rajonin e Donjeckut.

Bahmuti, bashkë me qytetet tjera Avdivka, Marinka dhe Liman, janë shënjestrat kryesore të Rusisë.

LEXONI GJITHASHTU:

• “Me Putinin nuk ka raporte të këqija”, Hoti: Erdogani, lojtar pragmatik në politikë
• Ekonomia ruse pranë kolapsit, “WSJ”: Putin i bëri hesapet gabim, hendeku 34 mld $