Dritan Hoti i ftuar në Euronews Albania ka bërë një analizë të politikës së presidentit turk Erdogan. Ai ka cituar ish presidentin Donald Trump duke thënë se Erdogan është një lojtar i shquar në fushën e shahut të politikës.
I pyetur për marrëdhëniet e presidentit turk me atë rus, Hoti tha se nuk kanë marrëdhënie të këqija, por kanë mendime të ndryshme për politikën e jashtme.
“Erdogan është imponuar si një mediator sa i takon marrëdhënieve me Rusinë. Ka pasur marrëdhënie jo të këqija me Vladimir Putinin, që kanë qenë marrëdhënie personale, por nga ana tjetër në qëndrimin e tij në politikën e jashtme i janë imponuar imperativat e proceseve historike, pra perceptimet e tij personale dhe interesat e Turqisë.
Turqia nuk përputhet me Rusinë sa i takon çështjes së Azerbajxhanit, në çështjet e Libisë, pra ka pasur një situatë komplekse ndërmjet dy liderëve me një përmbajtje autokritike. Donald Trump e ka shquar si një lojtar të shquar në fushën e shut të gjeopolitikës botërore. Është një lojtar pragmatik dhe jo dogmatik në gjeopolitikën botërore dhe ka disa marrëdhënie individuale me disa lider, por nga ana tjetër ka dhe mospërputhje esenciale me Rusinë”,-tha për Euronews Albania Dritan Hoti.
LEXONI GJITHASHTU: