Transport publik falas? Soko: Dua të shoh dokumentet, si e llogarit Këlliçi

Eksperti i ekonomisë, Pano Soko thotë se premtimi i kandidatit të opozitës për Bashkinë e Tiranës, Belind Këlliçi për transport publik falas, ka një faturë financiare.

Në një intervistë për Euronews Albania, Soko u shpreh se do donte që të shikonte dokumentet, sesi Këlliçi dhe stafi i tij e kanë llogaritur diçka të tillë.

“Premtimi i zotit Këlliçi ka një faturë financiare. Unë tani po flas në petkun e këshilltarit bashkiak, por e marrim të mirëqenë dhe një propozim që vjen nga kryetari i bashkisë. Unë, përpara se të jap një vendim, dua të shikoj matematikën nga mbrapa. Kostot e operimit të transportit publik në këtë formë siç është, është 36 milionë euro.

Sot që flasim, kostoja mujore e kompanive që realizojnë ndërqytetas dhe rrethqytetas në Bashkinë e Tiranës, shkon diku te 3 milionë euro në muaj. Në vit, diku te 36 milionë euro. Si do shkojmë te shifra e 18 milionë eurove që thotë zoti Këlliçi? Dua të shoh letrat”, theksoi ai.

LEXONI GJITHASHTU

• Premtimi i Këlliçit për transportin publik falas, gazetari: Ja sa kushton për 1 vit
• “Këlliçi tha se do bëjë transportin falas”, Ngjela: E premtuan komunistët, s’bëhet
• Belind Këlliçi shpall platformën për Tiranën, premton transport falas dhe ujë 24 orë