Akuzat ndaj Bashës për UÇK-në, Kryemadhi: Rama e bën për të larguar vëmendjen nga përgjegjësitë

Kryetarja e Lëvizjes Socialistë për Integrim, Monika Kryemadhi në një bashkëbisedim më gazetarët u shpreh se akuzat e Edi Rama ndaj Lulzim Basha për çështjen e UÇK-së bëhen për të larguar vëmendjen nga problemet e shqiptarëve.

Sipas saj politika shqiptare duhet të merret me situatën në të cilën ndodhen sot shqiptarët, me mungesën e shpresës dhe me mungesën e punës.

Kryemadhi theksoi më tej se ish-krerët e UÇK-së do të fitojnë këtë betejë, pasi është thjesht një sfidë e radhës. 

“Unë jam e bindur që zoti Basha ka qenë shumë i qartë dhe e ka sqaruar pozicionin e tij në deklaratat që kanë të bëjnë, sa i përket akuzave të Ramës.

Qëndrimi i LSI-së ka qenë dhe është i njëjtë dhe i pandryshueshëm. Për ne lufta e UÇK-së dhe popullit të Kosovës është një luftë e drejtë dhe një luftë për liri dhe ka sakrifica sublime të të rinjve dhe popullit të Kosovës.

Kjo përballë gjenocidit dhe krimeve të Millosheviçit dhe gjithë onturazhit të tij ushtarak, politik dhe mediatik, është e patjetërsueshme që të tjetërsohet dhe ta kthesh atë dhe duan të risjellin në jetën politike të secilit prej nesh.

Unë dua të shpreh përkrahjen time dhe të LSI-së për ish-krerët e UÇK-së. Ata përsëri do ta fitojnë betejën. Siç çdo sfidë tjetër kur ne bëhemi bashkë dhe kjo sfidë do të kalojë.

Tërheqja e vëmendjes për t’u marrë çështje që nuk i takojnë politikës shqiptare.

Duhet të merret me situatën, në të cilën ndodhen sot shqiptarët, me mungesën e shpresës, me mungesën e punës.

Rihapja e një debati të tillë është largimi i vëmendjes nga përgjegjësia, nga premtimet që nuk janë mbajtur asnjëherë, ç’fokusimin e vëmendjes së qytetarëve nga problemet që janë të përditshme.”, u shpreh Kryemadhi.