Ishte infektuar me COVID-19, ndahet nga jeta mjeku Ilirjan Draçi

Ndahet nga jeta si pasojë e COVID doktor Ilirjan Draçi, i cili ka shërbyer për vite me radhë si mjek gastro-hepatolog dhe si drejtues në poliklinikën numër 1 të Tiranës.

Lajmin e bën me dije ministrja e Shëndetësisë. Ogerta Manastirliu teksa konfirmon se doktor Ilirjani ka humbur jetën në betejë me COVID, pavarësisht përpjekjeve të mëdha të kolegëve në spitalin e Infektivit.

Në një postim të disa ditëve me parë, doktor Draçi ndau një foto ku shfaqej me maskën e oksigjenit nga spitali dhe u bënte apel qytetarëve për kujdes, duke u thënë se gabimi më i vogël mund t’u kushtojë jetën.

Kujtojmë se në 24 orët e fundit, në Shqipëri kanë humbur jetën 8 pacientë ndërsa janë konfirmuar pozitive 602 raste te reja.