Zgjedhjet, deputetët e PD: Mbështetje vetëm për logon, jo për kandidatët e primareve

Me shumë pak bashki ku do të garohet në 14 maj, Partia Demokratike e drejtuar nga Enkelejd Alibeaj ka nisur sot organizimin për zgjedhjet lokale.

Në funksion të këtyre përgatitjeve, Alibeaj mblodhi sot grupin parlamentar dhe gjithashtu ka thirrur mbledhjen e kryesisë dhe të strukturave të tjera organizative të partisë.

Pas mbledhjes së parë, dy deputetët, Flutura Açka dhe Arbi Agalliu u shprehën se në fushatë do të angazhohen vetëm për të mbledhur vota për logon e partisë demokratike.

Si Açka edhe Agallaiu në bashkitë ku garojnë nuk kanë kandidatë të PD, por sërish theksuan se kjo nuk do të thotë se do të bëjnë fushatë për kandidatët e dalë nga primaret.

Pas tërheqjeve të ditëve të fundit, deri më tani janë 15 kandidatë për kryetarë bashkish që do garojnë nën siglën e Partisë Demokratike.

LEXONI GJITHASHTU

• Pse po largohen kandidatët e Alibeajt, përgjigjet Genc Burimi
• Nis “rrjedhja” e kandidatëve të PD-së së Alibeajt për Këshillin Bashkiak Durrës
• Kush janë dy kandidatët e rinj që garojnë për Alibeajn