“30% në listë janë të rinj”, flet kandidatja e PS për këshillin bashkiak në Tiranë

Ka folur për Euronews Albania, kandidatja për Këshillin Bashkiak në Tiranë nga radhët e PS, Romina Kuko.

Ajo tha se lista e kandidatëve në Tiranë për këshillin bashkiak përfshin 30% të rinj dhe njerëz me profesione të ndryshme që sipas saj do i shërbejnë komunitetit.

Mes tjerash Kuko nënvizoi se fushata në Tiranë ka nisur dhe se aktualisht është e qetë.

“Situata është e tillë që ne kemi prezantimin e kandidaturave për këshillin bashkiak. Jemi në një fushatë të vazhdueshme elektorale pasi dinamikat e lojës politike kërkojnë që palët të kenë një gjuhë më të theksuar  kur vjen puna te arritjet apo te planet që ato kanë. Shpresoj që të jetë një fushatë e qetë dhe e civilizuar.

Ajo që bie në sy nga lista e Këshillit bashkiak të Tiranës është se në radhë të parë respekton të gjithë grupet e interesit.  30% e kësaj liste përbehet nga të rinjtë. Tek lista janë inxhinierë, ekonomistë, nejrëz që janë të shquar në fushat e tyre. Shumica e listës kanë qenë në listën e  Këshillit bashkiak. Mendoj se lista është e përbërë nga profesionistë dhe njerëz që janë të përgjegjshëm për komunitetin . Është një listë gjithëpërfshirëse përfshin  të gjithë grup-moshat dhe profesione të ndryshme. Janë njerëz që kanë çfarë t’i ofrojnë qytetit dhe jo vetëm retorika boshe politike”- theksoi ajo.

LEXONI GJITHASHTU: 

• Incidentet në Veri| Osmani: Të orkestruara nga strukturat ilegale të Beogradit
• Mbahet në Tiranë Forumi Ndërkombëtar i Turizmit