Ambasadorja greke: Shqipëria, vend që ngjall interes. Synojmë rritjen e investimeve

Ambasadorja greke në Shqipëri, Kostantina Kamitsi tregoi në një intervistë për Euronews Albania se cilat do të jenë synimet e saj kryesore në lidhje me vendin tonë.

Ambasadorja tha se një nga synimet e saj  kryesore do jetë nxitja e shkëmbimeve tregtare mes  dy vendeve, si edhe shtimi i investimeve në Shqipëri. Sipas saj duke qenë se Shqipëria është dhe do të jetë një vend në zhvillim, ngjall shumë interes për investime.

“Një nga synimet e mia kryesore do të jetë nxitja e rritjes së shkëmbimeve tregtare mes dy vendeve dhe rritja e investimeve greke në Shqipëri. Shqipëria e cila është në zhvillim dhe do vazhdojë të jetë në një trajektore zhvillimi, për shkak të perspektivës evropiane, përbën një fushë të njohur veprimtarie për biznesmenët grekë dhe prespektivën e anëtarësimit të vendit tuaj në BE, për të cilën Greqia ka punuar dhe do vazhdojë të punojë.

Ngjall interesin për investime. Njohuritë teknike të Greqisë për shfrytëzimin dhe për thithjen e fondeve të paranëtarësimit janë veçanërisht të rëndësishme”,-tha ambasadorja Kamitsi në intervistën për Euronews Albania.

LEXONI GJITHASHTU:

• Sherri me thika në Laprakë, kush është 40-vjeçari që plagosi 3 persona (EMRI)
• Trump largohet nga Florida për në Nju Jork, një ditë para daljes në gjykatë
• Incidentet në Veri| Osmani: Të orkestruara nga strukturat ilegale të Beogradit