Ukraina: Rusia sulmoi Odesën me dronë iranianë

Rusia lëshoi në rajonin jugperëndimor të Odesës disa dronë të prodhuar nga Irani, duke shkaktuar dëme në infrastrukturën civile, por jo në viktima, tha ushtria ukrainase më 4 prill.

Gjithsej 17 dronë Shahed – që prodhohen nga Irani – u lëshuan në rajonin e Odesës dhe “14 prej tyre u shkatërruan nga forcat e mbrojtjes ajrore të komandës jugore”, njoftuan Forcat Ajrore të Ukrainës, në përditësimin e mëngjesit.

“Një dron goditi një objekt civil në rajonin e Odesës, duke shkaktuar një zjarr, por pati viktima”, tha Serhiy Bratchuk, një zëdhënës i administratës ushtarake.

Ushtria tha se luftimet për kontrollin e Bahmutit në rajonin lindor të Donjeckut vazhduan pavarësisht pretendimeve ruse se kanë pushtuar qytetin.

LEXONI GJITHASHTU:

• Dronët rusë godasin një qendër strehimi në Ukrainë, 5 viktima
• Norvegjia dhe Danimarka do t’i dorëzojnë Ukrainës 8000 predha artilerie