U qëllua me armë nga nxënësi 6-vjeçar, mësuesja kërkon 40 mln dollarë shpërblim

Një mësuese në Virxhinia, e cila u qëllua nga nxënësi i saj gjashtëvjeçar, ka ngritur një padi prej 40 milionë dollarësh kundër zyrtarëve të shkollës, duke pretenduar neglizhencë të madhe për injorimin e shenjave paralajmëruese.

Padia, e ngritur të hënën, argumenton se të pandehurit e dinin se fëmija “kishte një histori të dhunës të përsëritur”.

25-vjeçarja Abigail Zwerner u qëllua më 6 janar në dorë dhe në pjesën e sipërme të gjoksit dhe kaloi dy javë në spital.

Mësuesja e shkollës është operuar katër herë. Djali e solli pistoletën në çantën e shpinës në shkollën fillore Richneck në Newport News, një qytet me rreth 180,000 banorë në veri-perëndim të Virginia Beach.

Pasi u qëllua nga djali i paidentifikuar, zonja Zwerner i çoi studentët e tjerë në një vend të sigurt përpara se të thërriste ndihmë për veten e saj.

Sipas ankesës së bërë nga mësuesja, dy ditë para se të hapte zjarr ndaj zonjës Zwerner, djali kishte marrë celularin e mësueses dhe e kishte thyer në tokë. Për këtë ai kishte marrë një pezullim njëditor.

“Të gjithë të pandehurit e dinin se John Doe i sulmonte si mësuesit ashtu edhe nxënësit e tjerë dhe motivimi i tij për të plagosur drejtohej ndaj kujtdo në rrugën e tij, brenda dhe jashtë shkollës, dhe nuk ishte i kufizuar vetëm tek mësuesit gjatë kohës që ishte në shkollë”,-thuhet në padi.

Abigail Zwerner tashmë po kërkon dëmshpërblim për dëmtime të përhershme trupore, dhimbje fizike, ankth mendor, shpenzime dhe dëme të tjera, thuhet në padi.

LEXONI GJITHASHTU:

• Aeroporti i Londrës ndryshon rregullat, heq kufizimin për 100 ml lëngje në kabinë
• Stilisti 12-vjeçar nga Shkupi. I talentuar në dizajne, por ëndërron të bëhet pilot
• Rama-Berisha “përplasen” me podkaste| Beteja jo më vetëm në parlament